2020-ம் ஆண்டு ஆஸ்திரேலியாவில் நடைபெற உள்ள ஆண்கள் மற்றும் பெண்கள் டி20 உலகக் கோப்பைப் போட்டிகளுக்கான அட்டவணைகள் இன்று வெளியிட்டனர்.

டி20 ஆண்கள் உலகக் கோப்பையில் ஐசிசி தரவரிசையில் முதல் எட்டு இடங்களில் உள்ள அணிகள் நேரடியாகத் தகுதி பெற்றுள்ளது. ஆனால், 9-வது மற்றும் 10-வது இடங்களில் உள்ள இலங்கை மற்றும் வங்கதேச அணிகள், 6 இதர அணிகளுடன் தகுதிச்சுற்றில் போட்டியிட வேண்டும். அதிலிருந்து நான்கு அணிகள் தேர்வாகவுள்ளது. 2020-ம் ஆண்டு அக்டோபர் 18 முதல் 23 வரை தகுதிச்சுற்று ஆட்டங்கள் நடைபெற்றவுள்ளது.

குரூப் A :

பாகிஸ்தான், ஆஸ்திரேலியா, மேற்கிந்தியத் தீவுகள், நியூஸிலாந்து மற்றும் தகுதி பெறும் இரு அணிகள் என 6 அணிகள் இடம்பெறுகிறது.

குரூப் B : 

இந்தியா, இங்கிலாந்து, தென் ஆப்பிரிக்கா, ஆப்கானிஸ்தான் மற்றும் தகுதி பெறும் இரு அணிகள் என 6 அணிகள் இடம்பெறுகிறது.

2020-ம் ஆண்டு அக்டோபர் 24 முதல் டி20 உலகக் கோப்பைப் போட்டியின் சூப்பர் 12 சுற்று தொடங்க உள்ளது. முதல் நாளன்று நடைபெறவுள்ள ஆட்டங்களில் ஆஸ்திரேலியா - பாகிஸ்தானும், இந்தியா - தென் ஆப்பிரிக்காவும் மோதவுள்ளது. 

ஆண்கள் டி20 உலகக் கோப்பை அரையிறுதி ஆட்டங்கள் நவம்பர் 11, 12 தேதிகளில் நடைபெறவுள்ளது. இறுதிச்சுற்று ஆட்டம் மெல்போர்ன் மைதானத்தில் நவம்பர் 15 அன்று நடைபெறுகிறது.
ஆடவர் டி20 உலகக் கோப்பை: இந்திய அணியின் ஆட்டங்கள்

இந்திய அணி மோதப்போகும் அணிகள் மற்றும் தேதி :

அக்டோபர் 24: இந்தியா vs தென் ஆப்பிரிக்கா
அக்டோபர் 29: இந்தியா vs தகுதி பெறும் அணி (ஏ2)
நவம்பர் 1: இந்தியா vs இங்கிலாந்து
நவம்பர் 5: இந்தியா vs தகுதி பெறும் அணி (பி1)
நவம்பர் 8: இந்தியா vs ஆப்கானிஸ்தான்.

இந்த செய்தி தெரியுமா உங்களுக்கு ''நாளை தமிழகம் முழுவதும் அனைத்து மது கடைகளையும் மூட அதிரடி உத்தரவு.! சற்றுமுன் உயர்நீதிமன்ற கிளை அதிரடி.!!''